domingo, 25 de junio de 2017

III Milla correndo polo galego

O venres, 23 de xuño, último día do curso, todo o colexio trasladámonos ao Pavillón Municipal de O Cembedo para levar a cabo esta actividade tan esperada por todos nós.
 “Non é grande aquel que nunca falla, senon aquel que non se da por vencido”

Participan: ASOCIACIÓN ASPANANE
                  CEIP ANTONIO PEDROSA LATAS
                  PAIS/NAIS DE ALUMNOS/AS
Colaboran: ANPA DO CEIP ANTONIO PEDROSA LATAS
                   CONCELLO DE VIVEIRO
Organiza: CEIP ANTONIO PEDROSA LATAS

Xornada deportiva de integración e valoración social que contou coa participación de atletas divididos en diferentes categorías. 
  • Categoría chupetín (non competitiva): unha volta ao circuito pequeno (180 metros) 
  • Categoría prebenxamín: unha volta e media ao circuito pequeno (270 metros)  
  • Categoría benxamín: unha volta e media ao circuito grande ( 570 metros) 
  • Categoría alevín: dúas voltas e media ao circuito grande (949 metros) 
  • Categoría Absoluta: tres voltas e media ao circuito grande (1.328 metros) 
  • Entrega de medallas e diplomas ao finalizar. 

VÍDEO RESUMEN DAS CARREIRAS E ENTREGA DE MEDALLAS

sábado, 24 de junio de 2017

Actividade Extraescolar: Teatro Escolar dirixido polo mestre Vicente Míguez

Na mañá do xoves 22 de xuño, os nenos e nenas que participaron no Obradoiro de Teatro Escolar dirixido polo mestre Vicente Míguez Salgueiro, puxeron en escea a obra de teatro:

TELEINVASIÓN

A obra fai un repaso polos programas da tele de maior actualidade. Unha visión divertida que alumn@s de 3º, 4º, 5º e 6º representaron en seis actos: Pasapalá, Telexornal de novas vellas, Mira quen cociña, miña madriña, Coleimpiadas 2017, A Revista Xa Vale, Despacito e Vaia trola: Naseiro!
Como vén sendo característica do teatro escolar, dende o curso 1992-1993 que iniciou a súa andaina no noso colexio, as obras reivindican tres aspectos: didáctico, valores humanos e humor.
No mes de setembro estas magníficas actrices e actores escenificarán a obra para os pais na Casa do Forno.
O vindeiro curso continuaremos ensaiando de outubro a xuño e van 25 anos, un cuarto de século con Teatro Escolar no Colexio de Celeiro!

miércoles, 21 de junio de 2017

Tres actividades para ir rematando o curso

Hoxe mércores, 21 de xuño, no comezo do verán,  tivemos tres actividades moi importantes no colexio.
  • Recollida das tapas e tapóns recollidos no centro a través das familias. Moitas grazas pola vosa colaboración.


  • Entrega dos carnnés de CIBEREXPERT@ por parte da Policía Nacional ao alumnado de 6º curso, despois de ter aprobado un programa que lles ensinou os riscos da internet e das RRSS.  Na entrega estiveron presentes a Directora do Centro, Rita Lamas Álvarez; o Inspector Xefe en funcións da Comisaría de Policía de Viveiro, Manuel Borrajo Iglesias; o delegado de Participación Ciudadana da Comisaría de Policía de Viveiro, Pablo Rodríguez González e a Delegada Territorial de Educación da Xunta de Galicia, Mª del Carmen Gueimunde González.
  • Representación da obra de teatro "O fotógrafo Sisebuto fai fotos nun minuto", a cargo do alumnado de 6º curso baixo a dirección do seu titor Antonio Ferreiro. Fixeron unha magnífica actuación. Todos os actores e actrices foron moi profesionais e estiveron moi metidos no seu papel, ademais tiveron un público moi entregado, disfrutando e aplaudindo a magnífica posta en escea. NORABOA A TOD@S.

sábado, 17 de junio de 2017

Actividades de fin de curso organizadas pola ANPA

Xa estamos rematando o curso e por iso as actividades culturais van tomando forza no noso colexio e a ANPA e a organizadora das mesmas.
  • O pasado martes, 13 de xuño, todo o alumnado do colexio tivo a oportunidade de asistir ao Teatro Pastor Díaz de Viveiro a unha dobre sesión de espectáculo que combinou o teatro, a música e humor.   
Os tres tenedores foron os encargados de poñer en escea os espectáculos: "Cocido Express" e "O pobre Tom".

  •  o venres, 16 de xuño, no colexio poidemos disfrutar dunha sesión de maxia moi especial a cargo do MAGO KIKO CARROLO. Foi todo un éxito pois todo o alumnado e profesorado pasámolo estupendamente co humor e trucos de maxia do mago viveirés KIKO.



Dámoslles as grazas a ANPA pola colaboración co colexio, pola organización de actividades ao logo do curso e en especial por estas dúas actividades culturais que tanto éxito tiveron entre o noso alumnado.

jueves, 15 de junio de 2017

Premiados no Concurso Festa da Merluza

O alumnnado de 6º de Infantil coa súa titora, Maricarmen Lázaro e a alumna de 5º curso, Inés Cachón, acadaron o 1º e 3º premio respectivamente no
https://www.facebook.com/festadamerluzadeceleiro/Este concurso ten como obxectivo facer partícipes da Festa a toda a poboación infantil de Celeiro, do Concello de Viveiro, e por extensión de toda Galicia e España.
O noso centro sempre participa neste concurso acadando premios moi meritorios e así este ano hai que felicitar a todo o alumnado de 6º de Infantil e a súa mestra Maricarmen por ese 1º premio así como a Inés Cachón polo seu 3º premio.  

NORABOA POLO VOSO TRABALLO BEN FEITO!

O traballo ou cartel que presentou o alumnado de 6º curso está basado nunha foto antiga de Celeiro onde se pode observar as casas, a praia, os barcos... e como primeiro plano ás mulleres coas cestas na cabeza cargando o peixe que pescaron os homes no mar. 
É unha homenaxe ao importante rol da muller no mundo do mar.


Cartel de Inés Cachón Oulego, alumna de 5º de Primaria e que levou o 3º Premio do V Concurso Infantil de debuxo festa da merluza do pincho de Celeiro

viernes, 9 de junio de 2017

Actividade de iniciación ao Surf

Na mañá do xoves, 8 de xuño, o alumnado de 5º e 6º curso, xunto co profesorado Eva, Paco, Virginia e a coidadora Esther, tiveron unha xornada de iniciación ao surf coa VIVEIRO SURF ESCOLA, na praia de Esteiro (o Barqueiro).
Esta actividade está enmarcada como complemento das actividades programadas na área de Educación Física, dentro da unidade de Actividades na Natureza.
Foi unha experiencia inolvidable, divertida e moi formativa. Seguro que repetiremos!



martes, 6 de junio de 2017

Excursión fin de curso do alumnado de 1º e 2º de Primaria

O luns, 5 de xuño, os nenos e nenas de 1º e 2º curso, xunto coas súas mestras Maricarmen e Angélica, realizaron a súa viaxe de fin de Curso a Marcelle.
O parque atópase nunha contorna natural, pertence á Reserva da Biosfera Terras do Miño, é un zoo pequeno. Atopamos monos, osos, avestruces, lobos, bisontes, cebras, tartarugas, cabras, etc,


Coñecendo o IES María Sarmiento

O pasado venres, 2 de xuño, o alumnado de 6º curso de Primaria visitou o IES María Sarmiento de Viveiro nunha xornada de portas abertas e convivencia xunto co CEIP do Vicedo e o CEIP Santa Rita de Galdo.
Coñeceron as instalacións, fixeron xogos e compartiron unha pequena merenda...
Xa están preparados para pasar á seguinte etapa. Moita sorte!




lunes, 5 de junio de 2017

Actividade Extraescolar de Pintura

Xa rematou por este curso a Actividade Extraescolar de Pintura impartida pola pintora,
Oliva Díaz Mejuto
Que se fai nesta actividade?
Trabállanse fundamentos básicos do debuxo: observar, comparar, como empezar un debuxo, entrenamento con trazos, superficies con textura, formas, exercicios de contornos continuos... 
Estudamos a paleta cromática e o uso da cor partindo das cores primarias.
Estudamos aos grandes maestros da pintura por medio de libros e contos para logo plamar o aprendido nun debuxo.
Con "El pequeño Dalí y el camino hacia los sueños", descubrimos ao xenio Salvador Dalí e con el o surrealismo.
Con "Los colores del mago", xogamos coa maxia da cor e as mezclas.
Con "Un cuadro de Picasso", estudamos o cadro do Guernica a fondo, exploramos cada parte do cadro e o seu significado; tamén descubrimos ao gran Pablo Picasso e o Cubismo.
Facemos unha visita polo Museo do Prado da man da Princesa Margarita que se escapa de "Las Meninas de Velázquez" para vivir unha aventura con nós.
Ademáis de debuxar, tamén nos queda tempo para xogar a Pasapalabra e practicar todo o aprendido.
Apunte da profesora:
É moi importante fomentar e introducir aos nenos no mundo da arte en edades temperás, que a descubran partindo da súa creatividade e sempre desde o mundo do xogo e o divertimento, nunca como unha actividade imposta, interactuando con outras expresións artísticas: a música, o teatro...



Que ben o pasamos na Festa de Voz Natura!

Pero nos aínda estamos a disfrutar recordando o pasado sábado, 3 de xuño, día da FESTA DE VOZ NATURA, nela poidemos ver a gran exposición de traballos dos diferentes colexios; participar nos diferentes obradoiros que había ao longo do parque Acea de Ama, xogar no parque cos hinchables, en xeral disfrutar do ambiente de coordialidade e gran convivencia dos centros participantes...
Foi un día moi especial! no que tamén hai que felicitar a todo o equipo de VOZ NATURA pola extraordinaria organización e éxito de participación na 20ª edición desta gran xuntanza en pro do coidado do noso medioambiente.
No seguinte vídeo podemos ver un pequeno resumo

martes, 30 de mayo de 2017

Charlas informativas: Ciberexpert@


 
Novamente o delegado de Participación Ciudadana da Comisaría de Policía de Viveiro, Pablo Rodríguez González, está no noso centro co alumnado de 6º curso desenvolvendo o programa que ensina aos menores os riscos da internet e das RRSS. :

http://www.ciberexperto.org/ciberexpert/

Contido do programa:
Os alumnos e alumnas que realizan o curso de Ciberexpert@ reciben cinco horas de formación sobre temas como ciberacoso, grooming, sexting, suplantación de identidade, comunidades perigosas, acceso a contido inapropiado, xestión da privacidade e identidade dixital, netiqueta e mediación parental.

Participación activa
Os alumnos e alumnas teñen unha participación activa no curso. De feito participan en debates sobre supostos prácticos e realizan un exame final ao termo das clases que, no caso de ser superado, condúcelles á recepción dun carné acreditativo dos coñecementos adquiridos.

lunes, 29 de mayo de 2017

Viaxe de Fin de Curso de 5º e 6º de Primaria

O alumnada de 5º e 6º curso, xunto coa profesora Virginia e o profesor Paco, fixeron a viaxe de fin de curso os días 24, 25 e 26 de maio. Foi unha excursión moi ben planificada na que poideron visitar moitos lugares de interese e onde o pasamos estupendamente.


miércoles, 24 de mayo de 2017

Excursión de infantil

Hoxe foi un día especial, as profes Marta, Mari, Ana, Cris, Bibi e tamén a coidadora Esther acompañamos aos nenos e nenas de infantil nunha das súas primeiras xornadas de praia deste ano. Estivemos tan entretidos coa area, castelos, cunchas, colas de serea e de crocodilo ... que case nos esquecemos de merendar!   Eso sí, cando nos demos conta, o silencio asolagou a praia do Vicedo: que fame tiñamos!!



miércoles, 17 de mayo de 2017

miércoles, 10 de mayo de 2017

Excursión de 3º e 4º curso

O martes, 9 de maio, o alumnado de 3º e 4º curso, xuntos coas súas titoras Rosa e Xulia, viaxaron ata Narón para visitar o Parque Temático "ALDEA NOVA" onde participaron en diferentes talleres:
  • Astronomía: Proxección o planetario.
  • Ciencia divertida: Experimentos de física e química.
  • Achegamento á bioloxía: Traballos con microscopios, terrario...
  • Cultura Castrexa con xogos de rol.
No seguinte vídeo podemos ver as fotos da súa viaxe.

Participamos no CORRELINGUA

http://www.lavozdegalicia.es/album/amarina/2017/05/09/correlingua/01101494329574646663988.htm
CLICA NA IMAXE PARA VER AS FOTOS PUBLICADAS NA VOZ DE GALICA

NOTICIA SACADA DO XORNAL "LA VOZ DE GALICIA"
O tempo primaveral axudou a que o Correlingua batera este ano récord de participación na Mariña, contando nesta edición con máis de dous mil alumnos da comarca paso a paso ou correndo en Viveiro baixo o lema "En galego, sen cancelas". Moita xente nova arroupando o seu idioma e dándolle máis vida en tempos difíciles nos que as estatísticas constatan a perda de galegofalantes. De aí a importancia dunha cita como o Correlingua, baixo a organización de CIG-Ensino, a Asociación Socio-Pedagóxica Galega e a Mesa pola Normalización Lingüística, coa colaboración na cita mariñá do Concello de Viveiro.

Nenos e adolescentes, xeracións de diferentes idades, compartiron espazo na cidade do Landro nunha mañá do máis reivindicativa, os máis pequenos dando un paseo dende a zona do pavillón deportivo ata a Praza Maior onde os agardaba Cé Orquestra Pantasma para entretelos e facerlles bailar e os máis grandes correndo. A festa final contou coa coñecida actriz galega Isabel Risco de presentadora do evento que tamén deu a coñecer máis talentos, como as animacións musicais do IES de Foz. Un dos grupos gañadores do concurso Cantalingua e Alberto Sobrado puxeron a nota musical da xornada, na que a lectura do manifesto correu a cargo de alumnos do CEP Lois Tobío de Viveiro.

Participantes na carreira do CORRELINGUA, quedando gañadores en 1º e 2º lugar da súa categoría:
David Rego e Lucas Fanego.

sábado, 6 de mayo de 2017

A MARIÑA CON MOITA ARTE

PÁXINA DO COLEXIO

Na tarde do venres, 5 de maio, os traballos das Bibliotecas Escolares dos Centros da Mariña formaron parte dunha exposición conxunta que se instalou na Sala de Usos Múltiples e na Biblioteca do Concello de Viveiro.
As coordinadoras e equipos docentes montaron os seus  respectivos traballos e todos xuntos formaron un gran  TERRITORIO DAS ARTES.

Charla informativa sobre os riscos na internet e redes sociais

O alumnado de 5º curso de primaria tivo a oportunidade de contar coa visita do delegado de Participación Ciudadana da Comisaría de Policía de Viveiro, Pablo Rodríguez González, ofrecendo unha charla sobre os riscos asociados ás novas tecnoloxías e ao uso de redes sociais da internet, dentro do Plan Director.
O ciberacoso «é a ferramenta grupal máis poderosa para executar o acoso escolar e maniféstase con mensaxes insultantes, humillantes e crueis, con ameazas, suplantando a identidade doutros compañeiros para danar a súa reputación ou amizades, revelando secretos, informacións ou fotos comprometidas ou privadas, ou excluíndo intencionadamente a compañeiros de grupos «online».

jueves, 4 de mayo de 2017

Función de Teatro no Pastor Díaz

O alumnado de 6º de Infantil, 1º e 2º de Primaria acudiron ao Teatro Pastor Díaz de Viveiro para asistir á función "A NENA QUE QUERÍA NAVEGAR" de Redrum Produccións.

Guillermo Carbajo e Laura Míguez 
son os protagonistas

Unha comedia  na que a través de técnicas de reforzo positivo e para mellorar a autoestima dos nenos e nenas preséntase unha historia contra o acoso escolar.
A protagonista é unha nena que, farta de ser o centro das mofas dos seus compañeiros, vaise da escola coa intención de non volver. 
Na súa aventura atópase co Xeadeiro, un ser máxico e vital que a base de contos, xogos e cancións lle devolve a autoestima.


viernes, 28 de abril de 2017

"Aquel Celeiro", visita de Laureano Míguez a aula de 5º curso


O xoves, 27 de abril, visitounos un antigo mariñeiro, Laureano Míguez, que nos contou como era a vida do Celeiro de antes, dos anos 30 ata a actualidade.
Non podíamos imaxinar que con nove anos xa comezaban a faenar no mar: eran os chamados nenos boteiros que axudaban aos mariñeiros cando chegaban coas embarcacións a terra, vixiando da lancha, levándolles auga abordo, lavando nos botes…
Daquela case non ían á escola debido a que tiñan que atender a estes traballos, ademais de axudar á familia nos labores do campo ou ir por leña ao monte.
Con apoio dunha serie de fotografías, Laureano foi contándonos os cambios na paisaxe mareira de Celeiro; era máis natural e preciosa antes. Tamén vimos como foron modernizándose as embarcacións, e falounos da época do chicharrón, que o salgaban en tinas como os porcos e logo comíanno todo o ano, incluso de almorzo.
Os alumnos e alumnas tiñan moi ben preparado o tema e fixéronlle a Laureano moitas preguntas interesantes.



martes, 25 de abril de 2017

Viaxe Cultural de 5º e 6º curso

O alumnado de 5º e 6º curso, xunto cos seus titores Paco e Antonio, viaxaron ata o CENIMA en Foz
onde poideron ver a Exposición "SER VISIBLES" (Escoitar imaxes, retratar palabras), dentro da Semana das Artes Plásticas da Mariña. Foron atendidos pola artista Cristina Basanta e poideron observar as obras de 11 mulleres: Cristina Basanta, Lucía Catuxo, Zili Katova, Carmen Llonín, Renata Otero, Adri Pardo, Alicia Puchades, Pilar Rei, Eva Rivas, Laly Santos e Lucía Vila.

A continuación seguiron viaxe ata Alfoz onde visitaron a Torre do Mariscal Pardo de Cela










lunes, 24 de abril de 2017

DÍA DO LIBRO E DEREITOS DE AUTOR


 
SESIÓN DE ANIMACIÓN Á LECTURA CON SERVANDO BARREIRO

O Bardo Abelardo rende homenaxe a Carlos Casares no ano en que se lle adedica o día das Letras Galegas 2017 con un espectáculo no que vai debullando unha serie de contos con referencias expresas ás obras infantis máis coñecidas como “AS LARANXAS MAIS LARANXAS DE TÓDALAS LARANXAS” ou “A GALIÑA AZUL”. Así escoitamos a historia de Leoncio , o inventor da bomba da Felicidade e outras historias máis, adaptadas para podelas contar e cantar acompañado da súa concertina. 


lunes, 3 de abril de 2017

Día do Libro Infantil e Xuvenil

O IBBY  (International Board on Books for Young People) promove desde 1967 a celebración do Día Internacional do Libro Infantil o 2 de abril, para homenaxear e conmemorar o día do nacemento de Hans Christian Andersen.

No noso colexio para conmemorar este día levamos a cabo un Apadriñamento Lector a cargo do alumnado de 3º curso.
O conto tradicional "The Gingerbread Man" foi preparado durante a Hora de Ler pola profesora de inglés Rosa e o auxiliar de conversa Saúl.

Todo o alumnado de Infantil e de Primaria pasou pola Biblioteca para escoitar e ver a dramatización do conto.
Pasámolo estupendamente!!!



Día das Artes Galegas

MARUJA MALLO protagoniza o
DÍA DAS ARTES GALEGAS
A Reas Academia Galega de Belas Artes
instituíu o 1 de abril como
DÍA DAS ARTES GALEGAS
MARUJA MALLO EN VIVEIRO
(La Voz de Galicia)
(La Voz de Galicia)
(El Progreso) 
Para recoller a información sobre a pintora e a súa obra e tamén os traballos realizados o colexio elaboramos unha páxina especial que vos invitamos a visitas.

https://sites.google.com/site/marujamallopedrosalatas/home


Día da árbore e da auga


Hoxe celebramos o Día da Árbore que, por mor da choiva e o mal tempo, aplazamos dende a semana pasada.
  • O alumnado de infantil e 1º e 2º curso de primaria plantaron lavanda arredor do parque infantil.
  • 3º curso repuxeron varias roseiras que secaron durante o inverno.
  • 4º curso limparon e recuperaron as plantas das macetas do parque infantil.
  • 5º e 6º curso plantaron o ameneiro que nos enviaron dende a Deputación de Lugo.
Ademais recitamos poemas e tamén estudamos as diferentes árbores e plantas que temos no noso Medio Ambiente.
Foi un día estupendo e aprendemos moitas cousas!!!
No seguinte vídeo podemos ver un resumo da actividade



jueves, 23 de marzo de 2017

"Mares de Cultura os Nenos e o Mar"

O Grupo de Acción Local do Sector Pesqueiro (GALP) A Mariña-Ortegal, volve un ano máis a promover a campaña escolar

“MARES DE CULTURA OS NENOS E O MAR”

Nesta edición, a campaña pretende ser un referente de divulgación, consolidándose como complemento educativo dentro do programa de actividades escolares dos centros participantes. Como nas anteriores edicións, o principal obxectivo é achegar ás novas xeracións, escolares de primaria e secundaria, ó entorno litoral de A Mariña-Ortegal, para descubrir in-situ a cultura mariñeira, os recursos naturais e as artes e tradicións pesqueiras relacionadas coa pesca artesanal. Persegue ademáis, provocar na poboación escolar un cambio de perspectiva cara o respeto do medio mariño e uns hábitos de consumo responsable dos produtos do mar. Ao mesmo tempo, a través desta campaña, póñense en valor as actividades económicas do sector do mar dunha forma sustentable.

O alumnado de 3º e 4º de primaria visitan a lonxa e o heliporto de Celeiro o  xoves 23 de marzo. 

lunes, 20 de marzo de 2017

Concurso de recitado poético "ROSALÍA SEMPRE VIVA"

O luns, 13 de febreiro fixemos no colexio a selección dos participantes no concurso, foron moitos os nenos e nenas que se presentaron e foi moi difícil a selección, quedando finalistas:
  • Grupo de 2º curso: Sara Asmerón, Diego Fernández, Lucas Fernández, Yeray López e Hugo Rey.
  • Alumna de 5º curso: Daniela Escudeiro.
O sábado, 18 de marzo, celebrouse a fase final en Outeiro de Rei, na Casa Museo do poeta Manuel María.



jueves, 9 de marzo de 2017

DÍA INTERNACIONAL DA MULLER

O tema central do Día Internacional da Muller de 2017, que se celebra o 8 de marzo, será "As mulleres nun mundo laboral en transformación: cara a un planeta 50-50 en 2030".

O mundo laboral está a cambiar dun modo que terá consecuencias significativas para as mulleres. Por unha banda, os avances tecnolóxicos e a globalización brindan oportunidades sen precedentes a quen ten a posibilidade de acceder a eles. Doutra banda, están en aumento a informalidade laboral, a desigualdade dos ingresos e as crises humanitarias.  SEGUIR LENDO AQUÍ

Dende o o noso colexio traballamos co noso alumnado pola igualdade de xénero, pola xustiza, pola paz e non violencia hacia as mulleres, un camiño todavía moi longo por percorrer...
A través do EDLG (Equipo dinamizador da lingua galega) e da Biblioteca propuxemos varias actividades; unha delas e para celebrar en anos sucesivos, será dar a coñecer a vida e obra de mulleres representativas que  son exemplo de loita pola igualdade de dereitos.
Este ano comezamos coa viveirense Maruja Mallo, e así foron saíndo diferentes actividades que podemos ver  NESTA PÁXINA
  • Díptico informativo


viernes, 24 de febrero de 2017

Celebramos o Entroido no colexio


Hoxe, a partir da hora do recreo, tivemos unha gran festa no cole:
  • Comimos larpeiradas e chocolate quentiño feito con moito cariño por Enrique. Estaba todo boísimo!
  • A continuación fixemos un desfile por todo o barrio do Chao. As nosas familias agardábannos con moita espectativa e ilusión.
  • Xa no patio do colexio cantamos as cancións que preparamos esta semana para animar o Entroido: A maxia do Carnaval, Canción do Entroido e Os pintores.
  • Por último fixemos bailes e xogos. Que ben o pasamos!
No seguinte vídeo podemos ver un resumo desta gran festa.



miércoles, 22 de febrero de 2017

Unha actuación musical moi especial!

https://www.fundacioneuson.es/grupo-de-m%C3%BAsica/
Hoxe tivemos a visita dun grupo de rapaces e rapazas usuarios da Fundación Eu Son de Burela.
Xunto co seu profesor Óscar deleitáronnos cunhas bonitas cancións que acompañaron con instrumentos de percusión: caixón flamenco, maracas, pandeiretas e tubos de son determinado.
Gustounos moito o seu traballo e o seu entusiamo, fixéronnos pasar uns momentos moi agradables e entrañables.
Dámoslles as grazas pola súa visita e esperamos contar con eles novamente moi pronto.

Programa de Sensibilización na Comunidade Educativa

O noso centro está participando no Programa de Sensibilización na Comunidade Educativa
EU=QUE TI
que promove ASPANANE
https://www.aspanane.org/#inicio
Asociación de nen@s e adolescentes con necesidades especiais
Este Programa ten como obxectivos mellorar as posibilidades dunha inclusión real das persoas con discapacidade na comunidade. Pretende achegar o coñecemento da discapacidade á comunidade educativa (Infantil e Primaria) contribuíndo, con ela, no fomento de actitudes e valores como a solidariedade, o respecto e o apoio mutuo.
Participan no programa:
  • Encargada: Isabel Otero Rodríguez
  • Usuarios e usuarias: José Manuel Vázquez , Mª José Rivas, Sara Breijo, Luis Tiagonce, Oliva Ferro , Fran Serantes, Belinda Parapar, Fernando Lamelas, Ángeles Pérez.
A través de Unidades Dicácticas levan actividades prácticas nas que o alumnado, a través de diferentes dinámicas e de maneira activa, acadará un maior coñecemento e empatía cara as persoas con discapacidade. 
Cinefórum. A través de diferentes vídeos preténdese que o grupo reflexione e interiorice as vivencias dunhas realidades e actitudes proxectadas neles.

A acollida do Programa por parte do noso alumnado está sendo excepcional, participan activamente das actividades e amósanse curiosos ante as preguntas e retos que se lles plantexan.
Sorprende a empatía e os lazos que se crean  cos usuarios e usuarios de ASPANANE.

Queremos agradecer a todo o colectivo da Asociación  a labor que está a facer no noso Centro con todo o noso alumnado e profesorado e animalos a que sigan transmitindo os valores que tanto se precisan nestes tempos.

 

sábado, 18 de febrero de 2017

Celebramos o Día de Rosalía de Castro

Hoxe todas e todos no colexio fumos Rosalía.
Rosalía de Castro, a escritora galega máis universal devolveu ao galego o seu carácter de lingua culta, foi precursora da poesía española moderna e unha pioneira do pensamento feminista.
É autora de obras inmortais como Follas Novas, Cantares Galegos ou En las orillas del Sar. 
Foi unha escritora innovadora e comprometida, adiantada ao seu tempo, que empregou o galego na literatura cando aínda ninguén o facía. Nas súas obras reflectiu a situación desa Galicia máis dolorida e maltratada, desangrada pola emigración. Denunciou a pobreza do campesinado galego ou a precaria situación laboral. A efectos históricos, a súa obra converteuse no primeiro canto de referencia para unha Galicia que se transforma.

Participamos na proposta que a Asociación de Escritoras e Escritores en Lingua Galega (AELG)  promove para este venres, 17 de febreiro: Rosalía Te

  • Caracterizámonos de Rosalía e marchamos cara á Praza do Chao onde lemos e cantamos poemas de Rosalía.  
  • No seguinte vídeo podemos ver un resumo do acto:
  • Neste outro vídeo os nenos e nenas de infantil participando no ROSALÍA-TE


miércoles, 8 de febrero de 2017

Obradoiro de pintura con Roque Fanego


http://www.roquefanego.com/index.html
http://cultura.galiciadigital.com/autor/fanego-roque
Durante a mañá do xoves, 9 de febreiro, imos contar coa visita do pintor viveirense Roque Fanego que impartirá un obradoiro de pintura.
Esta actividade vai destinada a todo o alumnado de Primaria e forma parte do Proxecto Documental Integrado que estamos levando a cabo este curso e que xira en torno á pintura e en especial sobre
Entrevista ao pintor:
Vídeo do obradoiro e proceso creativo do pintor: